CAGAYAN DE ORO CITY, Philippines -Milusad sa Coordination Meeting ang buhatan ni City Mayor Klarex Uy, aron dili na masubli ang grabe nga pagkabukog sa trapiko sa tibook Rodelsa Circle pasulod sa pipila ka mga dalan sa Brgy. Carmen ning syudad, sa miaging adlaw.
Namahayag si Janboy Actub, ang tigpamaba sa Office of the City Mayor nga porsyon nalang sa Rodelsa Circle ang ilang sirad-an sa Agosto 24 tungod sa dakung konsierto nga ipahigayon sa usa ka pribadong kompanya sa maong lugar.
Sa susamang adlaw, dunay porsyon sa kadalan sa padulong sa Pelaez Sports Center ang sirad-an tungod sa ipahigayon nga Car Show, sa buntag, ug dakung Konsierto pagka gabie.
Sa susamang takna, ipahigayon usab sa City LGU ang grand coronation night sa Miss Cagayan de Oro sa Lim Ketkai Atrium sa Brgy Lapasan ning syudad.
Miingon si Actub sa BOMBO RADYO nga nauyunan sa konseho nga sayuhan ang pagpagawas sa traffic scheme aron dili mapapag ang mga motorista ug mga komyuters.
