CAGAYAN DE ORO CITY-Gisikop sa kapolisan subay sa mando ni RTC Branch 18 Presiding Judge Dennis Alcantar ang media freelancer nga si Siegfred ‘Jigs’ Padua tungod sa kasong cyber libel diha sa Brgy Iponan sa syudad.
Kini human gikasuhan si Padua ni Michelle Saga kinsa school principal sa Brgy Lumbia ning syudad.
Miingon si Padua nga dili makapaluya kaniya ang pagkasikop niini sa iyang krusada nga pagbulgar sa giingong mga tinunto nga hinimuan sa pipila ka magtutudlo sulod sa Dept of Education.
Si Padua miingon nga upat ka cyber libel case ang iyang giatubang apan duha niini ang nabasura na sa korte.
