CAGAYAN DE ORO CITY – Dalhon na sa korte ang nadakpan nga kauban ni wanted Ploutus Coin invesment scam main man Mark Freeman nga si Kent Troy Sly Ortega Lagang, 26-anyos sa gilusad nga Oplan Galugad sa kapolisan sa syudad.
Gibutyag ni Police Corporal Reymund Bual Daisog, imbestigador sa Macabalan Police Station nga ila usab dalhon sa Lumbia City Jail ang suspek ning adlawa.
Nadakpan si Lagang pinaagi sa warrant of arrest nga gi-isyu ni RTC Branch 20 Judge Bonifacio Macabaya sa kasong syndicated estafa.
Dugang ni Daisog nga walay kasayuran si Lagang kon asa na nagtago si Freeman.
Apan sulti sa NBI-10 nga nakagawas ug nagtagu-tago si Freeman sa usa sa mga nasud dinhi sa Asya.
