Gitinguha karon ni ABC Liga ng mga Baragay President ug Konsehal Marlo L. Tabac ang pag-amyenda sa Seksyon 614 sa ordinansa sa dakbayan aron masiguro ang kahilom ug igo nga pahuway sa mga residente sa Cagayan de Oro.
Base sa iyang proposal, idili na ang paggamit sa karaoke, videoke, ug uban pang kusog nga sound system sa mga establisemento gikan sa alas 10:00 sa gabii hangtod sa alas 5:00 sa buntag.
Subay sa giingon ni Tabac, tuyo niini nga maprotektahan ang panglawas sa publiko pinaagi sa pagpatuman og mas estrikto nga soundproofing requirements ug pagpahamtang og silot sa mga establisemento nga subli-subling makalapas.
Gumikan niini, girekomendar na sa Committee on Barangay Affairs ang pag-refer sa maong sugyot ngadto sa Committee on Public Safety ug Trade and Commerce alang sa dugang pagtuon ug tukmang aksyon.
