Pormal na nga nagsumiter sa ilang counter-affidavits ang pamilyang Villar ngadto sa Department of Justice aron tubagon ang mga seryosong reklamong gisampa sa SEC batok kanila.
Hugot nga gihimakak ni Senator Mark Villar ang mga pasangil nga market manipulation ug insider trading, dungan sa pag-insistir nga walay lig-on nga basehan ang maong mga alegasyon.
Nag-ugat ang maong kaso sa diskrepansya sa asset sa ilang kompanya nga gideklarang miabot unta og kapin usa ka trilyon ka pesos, apan migawas nga mas ubos diay sa audited financial statement.
Gipasalig sa kampo sa mga Villar nga kanunay silang nilihok subay sa balaod, busa dako ang ilang pagsalig nga mabasura ra kini sa lebel pa lang sa DOJ.
Gikatakda ang sunod nga clarificatory hearing karong Mayo trese aron mas motataw pa ang dagan sa imbestigasyon alang sa kaayohan sa publiko. (jane mae abulag)
