CAGAYAN DE ORO CITY – Palpak ang naghinobra nga interes sa city hall pinaagi sa pagpalayas unta sa kompanyang MetroPac-COBI nga water supplier sa tubig ning syudad.
Kini ang gibutyag ni kanhi City Mayor Oscar Moreno nunot sa gitinood nga bahad sa COBI nga temporaryong putlan sa tubig-suplay ang COWD kay nagdumili pagbayad sa ilang nagkadako nga obligasyon.
Miingon ang kanhi mayor nga mismo ang grupo ni City Mayor Rolando ‘Klarex’ Uy ang nagdikta sa COWD pinaagi sa board of directors nga dili bayran ang maong utang aron mapugos paghaw-as sa ilang negosyo dinhi sa syudad.
Gitabagan sa kanhi mayor si Uy nga mohunong na sa ilang mani-obra kay bistado na kini sa katawhan ug business community sa nasud.
Samtang sukwahi sa panaghap sa kanhi mayor,nagtoo si Uy nga sinugdanan na ang pag-aksyon sa korte aron dad-on sa kasulbaran ang banging-pinansyal sa COWD ug kompanyang MetroPac-COBI ning syudad.K
ini ang pagpasabot sa mayor nunot sa panaghap ni Moreno nga giingong naghatag sa ngil-ad nga dungog sa dignidad sa syudad ang pag-ipit sa kompanya kay gipatoo nga dakong disbintaha sa katawhan ang pirmadong kontrata ngadto sa COWD.
Namugos si Uy nga bakak ang gisulti ni Moreno nga maka-diskorahe sa business community ang pagsulod sa city govt sa million peso disputed payables sa MetroPac-COBI ug COWD.
