CAGAYAN DE ORO CITY – Moduso’g motion for reconsideration o MR ang kampo ni Cagayan de Oro Water District interim General Manager Fermin Jarales sa korte ning syudad.
Kini human ilugwa ni Regional Trial Court Branch 41 Presiding Judge Joeffre Acebido ang hukom sa petitioners diin naghangyo nga wad-on sa katungod ang Local Water Utilities Administration o LWUA nga manginalabot sa mga kalihukan sa COWD.
Miingon si Jarales nga giila nila ang hukom sa korte kabahin niini apan mohandos sila sa apelasyon sanglit dili pa pinal ang kamanduan sa korte.
Gipasalig usab niini nga pabiling naglihok ug nagtunol sa batakang serbisyo ang COWD taliwala sa hukom sa korte nga pabor sa ilang mga kaatbang.
Ang presensiya ni Jarales ang kabahin sa full intervention sa LWUA sulod sa COWD sugo ni Pres Bongbong Marcos sugod niadtong Mayo 2024.
wala kini respetuha ug ilha sa regular board of directors sa COWD ang maong LWUA action rason nga gidala nila sa husgado ang maong isyu.
