CAGAYAN DE ORO CITY – Gibasura sa korte ang petisyon sa duha ka babaye nga nagsilbing petitioners aron pangayua’g temporary restraining order o TRO ang bahad sa Cagayan de Oro Bulk Water Incorporated o COBI nga putla’g tubig ang Cagayan de Oro Water District o COWD tungod sa isyu sa bayrunon.
Kini human dili kumbinsido si Regional Trial Court Branch 41 Presiding Judge Joeffre Acebede sa mga argumento nga gihimong basehan sa petitioners batok kang COBI Pres. Andrew Pangilinan.
Gihimo nila ni Clarita Reyes Daculos ug Irene Grace Abolonio ang pagpangayo’g TRO isip pagpakabana ug kabalaka nga maputlan sa tubig ang katawhan nga nakabase sa unang distrito sa syudad.
Una nang gipaubos ni City Mayor Rolando ‘Klarex’ Uy sa state of emergency ang syudad tungod sa pakyas pagkasulbad sa lantugi sa bayrunon tali COBI ug COWD sa magpaila na ka bulan ning syudad.
Hisayrang una nang namahayag ang pipila sa mga alyado sa mayor nga modangop sila’g korte aron makakuha’g TRO sa korte alayon sa maong isyu.
