CAGAYAN DE ORO CITY – Misaka na sa napulo ang nagpositibo sa COVID-19 sa dakbayan.Kini dihang nakompirmar nga nagpositibo sa makamatay’ng bayrus ang usa ka “out-patient” ning syudad.
Dugtong niini, gibutyag ni DoH regional director Dr Adriano Suba-an nga nahimo nang 25 ang ihap sa mga nagpositibo sa coronavirus disease sa rehiyon.
Anaa na usab sa 834 ang suspect cases; 738 ang buhi; 571 ang nag-negatibo sa RT-PCR samtang 76 ang pending results.
Sa napulo usab nga nagpositibo sa bayrus sa syudad, lima niini ang patay samtang upat ang naka-rekober.
Samtang gihupay ni Suba-an ang kabalaka sa publiko kabahin sa pag-positibo sa coronavirus sa health worker sa Manolo Fortich,Bukidnon.
Kini human unang nagpositibo sa swab test ang pasyente samtang aktibong nagtrabaho sa Rural Health Unit sa maong lungsod.
Miingon si Suba-an nga wala magbaton sa seryoso nga sintomas sa bayrus ang pasyente.
Mihimo na usab sa lapad nga contact tracing ang provincial health office aron mapaubos sa kuwarantinas ang mga tawo nga ulahi nga gikauban niini.
