CAGAYAN DE ORO CITY – Wala pa gastuha ang anaa sa 706 milyon pesos nga makonsiderar nga standby funds alang sa pagtubag sa krisis nga dala sa coronavirus disease sa syudad.
Kini ang katin-awan ni City Budget Officer Atty Percy Salazar batok sa mga pasangil nga nahurot na’g gasto o gibulsa ang 156 milyon pesos nga special account gipangayo ni City Mayor Oscar Moreno alang sa maong katuyuan.
Miingon si Salazar nga lahi nga minilyong pondo ang gigamit aron pabiling dili una matandog ang 550 milyon nga supplemental budget ug laing 156 milyon pesos sa syudad.
Samtang dili magpadiktar si Moreno sa iyang political dectractors kon unsaon niini maapod ang paggasto sa pondo sa salapi nga itubag sa krisis nga resulta sa coronavirus disease.
Kini human akusahi si Moreno nga nahutdan na’g pondo rason nga gipapuyo na lamang sa balay ang mga tawo aron minus ang galastuhan niini.
Namahayag ang mayor nga sama sa paggamit sa allowance,dili angay ihurot sa usa lamang ka galastuhan ang special funds sukwahi sa gidiktar sa iyang mga kaatbang sa politika.
