CAGAYAN DE ORO CITY – Gikompirmar ni DoH- Northern Mindanao Regional Director Dr Adriano Subaan nga sugdan na ang operasyon sa testing center sa coronavirus disease 2019 sa rehiyon sunod semana.
Miingon si Subaan nga duha ka testing facilities ang buksan kon ugaling makaabot na ang testing cartridges gikan sa kauluhan.
Maoy gamiton nga testing laboratories sa Covid-19 cases ang gikan sa Northern Mindanao Medical Center ug ang tuberculosis reference center sa DOH-10 office.
Hisayran nga naka-install na ang testing machines sa duha ka ospital.
