CAGAYAN DE ORO CITY – Mitala na sa 300 ngadto 400 milyones pesos nga economic opportunity loss ang mga mag-uuma sa Misamis Oriental.
Kini epekto sa krisis nga dala sa coronavirus disease nga miigo sa rehiyon.
Miingon si MisOr Provincial Agriculture Office head Engr Apollo Pacamalan nga anaa sa halos sin-miel ka mag-uuma na usab ang apektado sa pandemya ning lalawigan.
Nanghatag na usab sa ayudang agrikultura ang buhatan ni Pacamalan ngadto sa mga apektadong mga mag-uuma sa probinsya.
Samtang mikuyanap pa sa laing kalungsuran ang pag-atake sa army worms ngadto sa mga pananom nga mais sa Misamis Oriental.
Kini human nasudlan na usab ang lungsod sa Sugbongcogon,Binuangan,Tagoloan,Opol ug Alubijid sa armyworms sulod lamang ning bulana.
Miingon si Pacamalan nga anaa sa 15 porsiento sa mga pananom nga mais ang nadamyos sa maong insekto.
Hinoon,kontrolado na sa mga mag-uuma ang sitwasyon dihang nahatagan sa pesticides nga pangontra sa armyworms.
