CAGAYAN DE ORO CITY – Wala mahanaw ang lawom nga kahulugan sa dakong sakripisyo sa mga bayani nga paghatag paghigugma sa nasud batok sa langyaw’g mga puwersa sa nasud.
Kini bisan kon dako ang kabag-uhan sa selebrasyon sa Philippine Independence Day tungod sa bahad sa coronavirus disease ning syudad.
Gihimo ni City Mayor Oscar Moreno ang pahayag tungod sa limitado lamang nga gipang-imbitar sa ika-122 ka tuig nga adlaw sa kagawasan diha sa Divisoria ning syudad kaganihang buntag.
Miingon si Moreno nga maoy importante sa maong kalihukan nga wala malimti sa katawhan ang tumong sa mga bayani nga ilinggawas ang katawhan batok sa mga puwersa nga nangulipon kaniadto sa nasud.
