CAGAYAN DE ORO CITY-Giila ni City Council Committee chairman on public utilities Councilor Teodulfo Bong Lao nga “welcome development” ang himoong lakang ni Atty James Judith batok sa mga opisyal sa water district ning syudad.
Kini tungod sa tinguha niini nga kasuhan sa Ombudsman ang Metro Pac kuyog ang kadagkuan sa Cagayan de Oro Water District.
Namahayag si Lao nga unta matun-an ug ayo ni Judith giingong kahiwian sa joint venture nga gisudlan sa COWD ug MetroPac aron masayran sa syudad unsa ang rason sa pagkamugna sa kontra nga nagtumong sa taas nga singil balayrunon sa tubig.
Samtang kampante si terminated COWD general manager Engr Rachel Beja nga malusutan niya ang kaso nga isang-at kaniya sa Ombudsman.
Kini human kabahin si Beja nga maigo sa kaso kon ihinayon sa konseho nga idangop sa Ombudsman ang kontrobersyal nga kontrata sa MetroPac ug COWD ning syudad.
Namugos si Beja kon angay kasuhan dili siya apan ang naglangkob sa COWD board of directors nga maoy nag-aprobar sa kontra tali MetroPac.
Nasayran nga may pending graft cases ang kanhi COWD board of director sa Ombudsman tungod sa anamolosong kontrata tali sa Rio Verde Water Consortium sugod tuig 2004.
