CAGAYAN DE ORO CITY – Maputol na ang pag-demonize sa city govt ngadto sa kompanyang MetroPac Water tungod sa isyu sa panubig sa dakbayan.
Kini kon mahinayon ang himoong imbestigasyon sa kamarabaha kabahin sa giatubang nga suliran sa panubig sa dakbayan.
Miingon si kanhi City Mayor Oscar Moreno nga maayo ang gihimo sa pipila ka kongresista kay matawag ang atensyon sa kamarabaha ug national govt niini.
Una nang miduso’g lakang si Cagayan de Oro 1st District Cong Lordan Suan alang sa maong katuyuan diin gisupotahan usab ni Misamis Oriental 2nd District Rep. Bambi Emano.
Samtang gibarugan sa panig sa konseho nga dunay dakong kaakuhan ang city govt pag-abot sa isyu sa tubig sa dakbayan.
Kini ang pagpasabot ni Kag. James Judith kinsa padayong nangabugar sa complainants nga sila kanhi Kag. Eric Salcedo ug Dr. Reuben Daba nga miduso’g complaint sa Philippine Competition Commision batok sa Cagayan de Oro Water District-Cagayan de Oro Bulk Water Incorporated o COWD-COBI contract.
Miingon si Judith nga may hukom sa korte suprema nga ilang gibasehan kon nganong agresibo ang dakbayan sa pagpakabana sa isyu sa panubig sa dakbayan.
Giklaro ni Judith nga walay katakos ang katawhan apan bugtong ang COWD lang ang dunay gahom ipakanselar ang kontrata pinaagi sa pagdangop sa korte pag-abot sa panahon.
Hisayrang nagbansiwag ang pahayag ni City Mayor Rolando ‘Klarex’ Uy sa pag-ingon nga walay problema kaniya nga magpadayon ang COBI water supply samtang gisulti usab ni Judith nga angay wad-ag bili ang kontrata kay namentaha sa katawhan sa dakbayan.
