CAGAYAN DE ORO CITY – Nakahukom na nga mag-retiro sa serbisyo si regular a Cagayan de Oro Water District o COWD General Manager Engr Antonio Young.
Kini kon basehan ang gilugwa nga pahayag ni interim COWD General Manager Fermin Jarales sa interbyu sa Bombo Radyo.
Kini taliwala sa mga kontrobersya nga giatubang sa city water district nga nakapatawag sa atensyon ni Pres Bongbong Marcos rason misulod ang Local Water Utility Administration o LWUA takeover.
Apan namahayag si interim COWD General Manager Fermin Jarales nga dugay na kining plano ni Young ug igo na lang gihataga’g katumanan ang hangyo sa iyang pamilya.
Gihimo ni Jarales ang kompirmasyon nunot sa ilang ‘gentleman’s talk’ ni Young sulod sa general manager’s office sa COWD sa miaging semana.
Dumduman nga nagka-paksiyon ang COWD kay misulod ang LWUA ug wala usab ilha sa regular management.
