Gitin-aw sa Cagayan de Oro Water District (COWD) nga sila ang naghan-ay sa eskedyul sa “repair” ug “rehab” sa pasilidad sa Rio Verde aron dili manbug-atan ang katawhan sa kawad-on sa tubig mainom.
Namahayag si Gerry Caño, Board Chair sa COWD nga dili nila gusto manumbalik ang karaan nila nga kasinatian nga nag-antos ang katawhan sa walay agas nga tubig kay gisunog man sa Metro Pacific Waters ang ilang iskedyul sa rehab.
Gani, subay sa nangagi nga tuig, na-overlap ang iskedyul sa MetroPac sa ilang rehab nga nagresulta sa kalisud sa publiko.
Karong higayona, gikoordinar na sa COWD ang tanang lakang aron masiguro nga ang repair ug rehab dili magdungan ug dili maperwisyo sa mga konsumnate ning syudad.
Gikompirmar usab ni Caño nga walay mahitabong water interruption sa Holy Week.
