CAGAYAN DE ORO CITY-Gipasalig sa Cagayan de Oro City Water District o COWD nga mapabalik sa normal ang supplay sa tubig sa syudad sa dili pa ang bag-ong tuig.
Pasalig kini ni COWD General Manager Engr. Rachel Beja tungod sa sunod-sunod nang pag andar sa ilang water booster ug pagtibawas sa paglimpyo sa productions wells.
Miingon si Beja nga kamulo na nila gipaubos sa dugang water production process ang ilang mga ekipo aron mabalik na sa normal ang supplay sa dili pa ang Disyembre 31.
Giawhag usab niya ang apektadong residente nga pangandaman kanunay ang ilang pag-rasyon sa tubig sa kabaranggayan samtang wala pa mabalik sa normal ang water supply.
Samtang mapaubsanon usab nga gidawat ni Beja ang mga pagsaway og pagbatikos sa mga konsumante ning syudad.
Kini human nasabtan sa maong General Manager ang pag-antos sa katawhan sa pagka-walay tubig sa pila ka adlaw epekto sa bagyong Vinta.
Miingon si Beja nga wala siya’y katungod nga masuko sa mga konsumante kay dili usab lalim nga mawad-ag tubig sa magpila na kaadlaw.
