CAGAYAN DE ORO CITY – Gi-armasan ni Local Water Utilties Administration o LWUA appointed official interim General Manager Fermin Jarales ang tibook second floor sa Cagayan de Oro City Water District.
Gibutyag ni set-aside COWD Board of Director Member Dr Gerry Caño nga mao kini ang sumbong nga iyang nadawat gikan sa mga staff nga na-assign sa maong gambalay.
Mibati sa ka-alarma ang mga staff tungod kay nakurat sila dihang duna nay augmentation sa mga pulis sa ilang opisina, nga niadto hapsay ug walay mga gabalinada sa ilang inadlawan nga transaksyon.
Dismayado si Caño sa maong report ilabina nga nabutang nga dunay martial law sulod sa COWD ug dunay armas nga ga-atubang sa tanan nilang gimbuhaton.
