CAGAYAN DE ORO CITY – Gihimakak sa interim management nga naggikan kanila ang gilugwa nga cease and desist order o CDO batok Engr Antonio Young nga dili na ipa-function isip general manager sa Cagayan de Oro Water District o COWD.
Kini human unang naglugwa ang mismong kadagkuan sa interim board of directors sa Local Water Utilities Administration o LWUA sa CDO batok Young.
Namahayag si interim COWD General Manager Fermin Jarales nga wala kaniya nagsumikad ang maong kamanduan.
Siya miingon nga bugtong naglugwa lamang niini ang memorandum nga nagmando kang Young alang sa work from home samtang resolbahon pa ang isyu sa COWD.
Una nang namahayag ang pipila ka napadaplin nga COWD officials nga walay katungod ang interim team paghimo niini kay bugtong Civil Service Commission lamang ang dunay kapas pagbuhat niini.
Hisayrang midangop sa CSC si Young aron magiyahan sa angay buhaton kabahin sa iyang trabaho sulod sa COWD
