CAGAYAN DE ORO CITY – Dili na gusto sa konseho nga magpadayon pa ang presensiya sa interim mngt sa Cagayan de Oro Water District o COWD ning syudad.
Kini bisan kon dugang tulo ka bulan ang gihatag nga lugway sa Local Water Utilities Administration o LWUA sa interim COWD board of directors ug mngt aron sulbaron ang daghang suliran sa panubig sa dakbayan.
Gihimo ni Kag Edgar Cabanlas,majority leader sa konseho ang baruganan nunot sa suporta nga ilang gihatag sa gipangayong resolusyon ni Kag. Roger Abaday nga dili na angay manghilabot ang LWUA kon unsa paagi sa pagpadagan sa panubig sa syudad.
Sa pagpasar sa resolusyon nga mopalayas sa interim COWD mngt,lima lang ka konsehal ang wala mosuporta sa dihang gituki kini sa miaging regular session nga gidumala ni City Vice Mayor Jocelyn ‘Bebot’ Rodriguez.
