CAGAYAN DE ORO CITY – Manubag sa balaod pinaagi sa taliabot nga finding sa Commission on Audit o COA ang interim officials nga mga tinudlo sa Local Water Utilities Administration o LWUA kon mangahas sila pagbayad sa tunga-bilyones pesos nga kanunay gisingil sa MetroPac Water Company ngadto sa Cagayan de Oro Water District o COWD.
Kini ang pasidaan sa regular board of directors sa COWD nunot sa posibilidad nga apil sa tahas sa LWUA gikan kang Pres Bongbong Marcos nga ipasulbad kanila.
Namugos si regular COWD board of director Dr. Gerry Caño nga pabiling gibarugan nila nga dili angay mobayad ang syudad sa MetroPac kay wala kini igong basehan.
Kini ang rason nga mi-resulta sa wala pagsinabot tali sa COWD ug MetroPac ang maong bayrunon.Samtang nakaporma na sa dinalian ug lahutay nga mga posibleng sulbad ang LWUA appointed interim officials sa kahimtang sa panubig sa COWD sa dakbayan.
Kini taliwala nga gisugdan na sila’g batikos sa pipila ka sakop sa prensa nga dunay koneksyon ug pagdapig ngadto sa baruganan sa city govt.
Namahayag si interim COWD General Manager Fermin Jarales nga dili kagubot apan sulbad sa dugay nang mga problema ang gisugo kanila sa presidente rason nga wala sila magpa-apekto sa mga batikos.
Siya miingon nga kon makab-ot sulod sa lima ka tuig nga pagpatuman ang short ug long term solutions nga ilang iduso sa natl govt,mabalik ang financial stability ug revenue sa city water district.
