CAGAYAN DE ORO CITY-Gusto karon ipa-rebyo sa konseho kang Pres Rodrigo Duterte ang gisudlan nga kontrata sa Cagayan de Oro Water District o COWD ug Metro Pacific Water Investments Corporation.
Giangkon ni Kag Bong Lao,chairman sa komite sa public utilities sa konseho nga na-insulto sila sa gihimo sa COWD kay nawad-an sa katungod ang katawhan nga masayod sa gisudlan nila nga kontrata.
Kini ang hinungdan nga misang-at sila sa petition for review sa Philippine Competition Commission o PCC pinaagi sa Presidential Management Staff o PMS nga nakabase sa Dept of Agrarian Reform o DAR-10 diha sa Brgy Carmen ning syudad.
Miingon si Lao nga gipasalig sa PMS nga may malugwa na sila nga aksyon sa petisyon sa katawhan kabahin sa COWD-Metro Pacific contract sunod semana.
