CAGAYAN DE ORO CITY – Dili ilhon sa Cagayan de Oro Water District o COWD board of directors kon tinud-anay nga e-kontrol ang pagdumala niini sa interim officials nga ipadala sa Local Water Utilities Administration o LWUA.
Kini human unang gisulti atol sa Cagayan de Oro visit ni Pres Bongbong Marcos nga patun-an sa LWUA ang pag-takeover sa COWD ug pagkasunod adlaw gilayong naglugwa usab sila’g resolusyon nga andam na sila pagdumala sa city water district.
Miingon si COWD board of director Gerry Caño nga wala sa trabaho ang pag-takeover rason nga supakon nila kini nga lakang sa LWUA.
Nagsumikad ang LWUA resolution nunot usab sa padayong lantuging pinansyal tali sa COWD ug MetroPac-COBI.Samtang nakakuha’g simpatiya sa city council ang hunta-direktiba sa city water district kalabot sa dili pagsunod sa posibleng LWUA takeover sa COWD operations ning syudad.
Namahayag si city council majority leader Kag. Edgar Cabanlas nga dili trabaho sa LWUA nga diktahan ang COWD ug city govt aron pugson pagpabayad sa utang ngadto sa COBI.
Siya miingon nga tipik sa trabaho sa maong buhatan nga itul-id ang posibleng palpak nga pagdumala sa COWD apan dili sa ubang obligasyon nga wala gitugot sa balaod ngadto kanila.
