CAGAYAN DE ORO CITY – Wala kuwestiyona sa regular board of directors ug management ang legalidad sa pag-takeover sa Local Water Utilities Administration o LWUA sa Cagayan de Oro Water District o COWD ning syudad.
Kini ang pagklaro ni regular COWD General Manager Engr Antonio Young nunot sa gilugwa nga legal opinion sa Office of the Govt Corporate Counsel diin nagsulti nga legal ug ensakto ang gihimo sa LWUA nga full intervention.
Miingon si Young nga maoy ilang gi-kuwestiyon ang proseso sa gilugwa nga LWUA board resolution diin nagsaysay nga adunay interim Board of Directors ug interim general manager ang temporaryong modumala sa COWD subay sa kasuguan usab ni Pres Bongbong Marcos.
Hisayrang nagkontra-resolusyon usab ang COWD regular board kay kuwestiyonable ang dokumento sa LWUA kabahin sa pag-takeover.
