CAGAYAN DE ORO CITY – Gitahod na sa unang higayon sa regular board of directors ang mga pinakaulahing lakang sa Local Water Utilities Administration (LWUA) nga pagtakeover sa Cagayan de Oro Water District (COWD) pinaagi sa pagbutang sa interim officials sulod sa unom ka bulan.
Kini human naglugwa sa ilang legal opinion ang Office of the Govt Corporate Counsel (OGCC) nga legal ang aksyon sa LWUA ug gimanduan ang regular COWD mngt nga pagrespeto ug pagsunod niini.
Namahayag si BoD member Dr Gerry Caño nga nauyunan sa sa regular management nga tahuron kon unsa man ang mga lakang ipabuhat sa LWUA sa interim board of directors ug management.
Siya miingon nga nakab-ot ang maong hukom epekto sa pag-early retire sa trabaho ni regular COWD General Manager Engr Antonio Young ug sa nalugwa nga OGCC legal opinion.
