CAGAYAN DE ORO CITY- Gisahon sa konseho ang mga opisyal sa Cagayan de Oro Water District o COWD ug Rio Verde Water Consortium karong buntag ning syudad.
Kini aron masayran kon unsay tinood nga nahitabo sa pila ka adlaw nang pagkawala water supply sa mga konsimidor nga nakabase sa kasadpang bahin sa syudad ug sa Misamis Oriental.
Gibutyag ni Kag Bong Lao,chairman sa public utility committee sa konseho nga tuyo usab nila kumpirmahon kon tinood ang gisulti sa usa sa mga board of director sa COWD nga gibaligya na sa Rio Verde ang ilang property sa Maynilad nga gipanag-iya sa negosyanteng si Manny Pangilinan.
Samtang atubangon sa kadagkuan sa Cagayan de Oro Water District o COWD kon ugaling may mga konsumante nga manumbong kanila sa korte.
Kini tungod sa perhisyo nga gisinati sa mga konsimidor diin walay nagamit nga water supply sa pila na ka adlaw ilabina dinhi sa syudad.
Gibutyag ni COWD Asst General Manager Engr Bienvenido Batar nga motambong usab sila sa pagpatawag kanila sa konseho aron makahatag tubag sa mga pangutana sa katawhan kabahin sa water crisis sa syudad
