CAGAYAN DE ORO CITY- Ipatawag pagbalik sa konseho ang COWD ug Rio Verde ning syudad sa sunod semana.Kini human nagbahad ang Rio Verde nga ihunong ang pag-suplay sa tubig sa katawhan kon dili mahatag ang 16 pesos ug 50 sentabos nga water rate increase.
Miingon si Kag Bong Lao,chairman sa public utility committee sa konseho nga manubag ang maong mga opisina kon maperhisyo ang ilang serbisyo sa katawhan.
Una niini,namugos si Engr Joffery Hapitan,senior vice president for operations sa Rio Verde nga tinarong ang ilang hangyo nga pagpangayo’g increase nga unta mahatag usab sa COWD.
Samtang subli giklaro ni COWD Asst General Manager Engr Beinvenido Batar Jr nga dili sila makahatag sa demanda sa Rio Verde nga water rate increase.
Kini bisan nga mibahad pa ang maong kompanya nga maapektuhan ang water supply sa katawhan sa mga mosunod nga adlaw.
Miingon si Batar nga gidid-an sila sa COA nga mohimo’g padayong nga transaction sa Rio Verde tungod sa mga legal nga isyu.
