CAGAYAN DE ORO CITY-Gitakdang gisahon sa public utilities committee kauban ang kadagkuan sa COWD technical group ang bag-ong nagpaila nga water bulk supplier sa konseho ning syudad unya sa hapon.
Kini human namugos ang Cagayan de Oro Technologies and Devt Corporation nga kaya nila maka-suplay bisan 500-mil cubic meter kada-adlaw sa tubig alang sa mga konsumante dinhi sa dakbayan.
Miingon si Kag Bong Lao,chairman sa maong komitiba nga nagtanyag ang grupo ni Raliegh Velez kinsa tag-iya sa kompanya nga mas barato ang ilang matanyag nga presyo sa tubig itandi sa Rio Verde Water Consortium
ug Metro Pacific.
Una niini,namugos si COWD General Manager Engr Rachel Beja nga abli sila sa bag-ong mosulod nga water supplier apan i-agi una nila sa konsultasyon sa ilang legal dept.
