CAGAYAN DE ORO CITY-Ipatawag pagbalik sa komitiba sa konseho ang kadagkuan sa Cagayan de Oro Water District ingon man ang Rio Verde Water Consortiom Incorporated ugmang adlawa.
Kini aron mohatag katin-awan kon unsa’y tinud-anay nga nahitabo sa panubig sa syudad nga napa-ingon sa giingong mga pagbahad-bahad.
Miingon si Kag Bong Lao,chairman sa komitiba sa public utilities sa konseho nga imbitaron usab nila ang bag-ong water supplier diin mas pabarato’g baligya sa ilang tubig.
Nasayran nga gi-demanda sa Rio Verde ang usbaw nga 16 pesos ug 35 sentabos kada-cubi meter sa presyo sa tubig apan kusganon kining gibalibaran sa COWD.
Samtang nakaandam sa laing higayon ang COWD nga mohatag sa ilang pagtin-aw alang sa actual nga sitwasyon sa panubig sa dakbayan.
Kini human gitawag na usab ang atensyon sa COWD nga kasamtangang nakig-kontrata sa Rio Verde aron masuplayan sa 30 porsiento nga water demand sa dakbayan.
Miingon si COWD General Manager Engr Rachel Beja nga tubagon nila kutob sa ilang mahimo ang gusto pangayua’g katin-awan sa mga konsehal sa syudad.
