CAGAYAN DE ORO CITY-I-dangop ni Engr Rachel Beja kinsa general manager sa Cagayan de Oro Water District o COWD sa ilang legal department ang tinguha sa city council nga pagkanselar sa pakig-kontrata nila sa Metro Pacific Water Corporation.
Kini tungod kay dili usab basta-basta nga isibog na lamang nila ang pakig-kontrata sa MetroPac gumikan sa interes sa laing bulk water provider ning syudad.
Miingon si Beja nga dili sirado ang posibilidad nga modawat sila’g laing water supplier apan angay i-agi kini sa proseso.
Una nang gipungan sa Commission on Audit ang 16 pesos ug 35 sentabos nga rate increase sa Rio Verde Consortiom apan mobaligya usab sa tag-16 pesos per cubic meter ang MetroPac sa COWD subay sa pirmado nila nga kontrata.
