Dili madali-dali ang paghimo nga kooperatiba sa Cagayan de Oro Water District o COWD nga unang gipamugos sa pipila ka konsehal sa konseho sa syudad.
Kini human unang dismayado ang publiko sa serbisyo sa COWD sa panubig tungod sa legal dispute tali Rio Verde Water Consortium ning syudad.
Gibutyag ni COWD General Manager Engr Rachel Beja nga dili problema alang kanila kon ma-kooperatiba ang ahensiya apan taas ang proseso niini aron usbon ang balaod didto sa kongreso.
Gitinguha sa COWD wad-a’g bili ang ilang kontrata sa Rio Verde apan nagsulod usab sa joint venture sa MetroPac nga mas mahal ang pagpalit nila sa tubig nga ihatag sa mga konsumante.
Hisayrang bisan ang hugpong sa mga kooperatiba sa syudad,andam kining mosulod sa COWD aron masalbar ang kahimtang sa panubig alang sa katawhan.
