CAGAYAN DE ORO CITY-Dismayado karon ang Cag de Oro Water District o COWD dihang nasayran nga pugngan sa committee on public utility ang ilang kontrata tali sa Metro Pacific Water Investments Corporation.
Gibutyag ni COWD General Manager Engr Rachel Beja nga unta mahuna-hunaan sa city council kon unsay epekto sa panubig sa publiko kon malangan ang ilang pakig-kontrata sa MetroPac.
Una niini,gikompirmar ni Kag Bong Lao,chairman sa public utility committee sa konseho nga nangunsulta na sila sa mga abogado kon unsaon nga mapugngan ang kontrata sa COWD ug MetroPac.
Samtang gisugyot ni City Mayor Oscar Moreno sa mga miembro sa konseho nga makigkita sa COWD.
Kini human nasayran ni Moreno nga gitinguha sa public utility committee nga wad-an sa bili ang kontrata sa COWD ug MetroPac.
Miingon ang mayor nga walay labot niini ang syudad kay nag-sentro ang kontrata sa duha ka partido.
Gi-depensa usab niini ang taho nga may water rate increase kon sugdan na sa MetroPac ang ilang serbisyo sa syudad.Giila ni Moreno nga sulosyon sa gikabalak-ang water crisis ang MetroPac dinhi sa syudad.
