CAGAYAN DE ORO CITY-Namugos si COWD board of directors chairman Eduardo Montalvan nga bisan si City Mayor Oscar Moreno nga nagtudlo kanila ang dili makapapha kanila sa puwesto.
Kini sa panahon kon sila makahahimo’g kasal-an samtang naglangkob sa hunta direktiba sa COWD.
Namugos usab si Montalvan nga walay natago kang Moreno sa mga lakang nga gihimo sa COWD board of directors kay kini regular nila nga gipahibalo.
Gitubag ni Montalvan ang maong isyu dihang gipangutana kini sa media ilabina nga gitangtang nila sa pagka-general manager si Engr Rachel Beja sa COWD.
Una usab niini,gi-kuwestiyon ni Kag Bong Lao sa konseho kon nganong walay gipakitang pagtahod ang COWD ilabina sa mga gipangsudlan nga kontrata sa panubig sa syudad.
