CAGAYAN DE ORO CITY-Mobalik na’g trabaho ang empleyado sa Cagayan de Oro Water District o COWD nga giakusahan sa kasong rape sa adlaw’ng Lunes ning syudad.
Kini human makapiyansa si Emmanuel Mulawan sa korte sa Cavite nga naghawid sa iyang kaso nga giingong natigayon sa Hunyo 2014.
Miingon si Engr Antonio Young,presidente sa First Labor Organization of COWD o FLOW nga gikalipay nila ang temporaryong kagawasan ni Mulawan kinsa nabilanggo sa dul-ag lima ka tuig nga walay klaro nga kasal-anan.
Si Mulawan ang dul-ag 30 ka tuig na sa COWD ug nag-una sa pagbulgar sa pipila ka anomaliya nga giingong hinimuan sa mga kanhi opisyal nila sa maong ahensiya.
