CAGAYAN DE ORO CITY – Giingong nahupay na ang internal faction tali sa regular ug interim Cagayan de Oro Water District o COWD management nunot sa pagtake-over sa Local Water Utilities Administration o LWUA sa sistemang panubig sa dakbayan.
Kini kon paminawon ang pagsugilon ni interim COWD General Manager Fermin Jarales nunot sa giingong pagsanong na ni regular General Manager Engr Antonio Young sa LWUA intervenion epekto sa legal opinion sa Office of the Govt Corporate Counsel.
Namahayag si Jarales nga nagkahinabi sila’g balik ni Young sulod sa ilang komon nga opisina ug giingong nagkakab-ot na sa kahupayan sa konplikto.
Gani,nasampit daw ni Young nga tungod sa hangyo ug kagustuhan sa iyang pamilya,moduso na kini’g early retirement sa trabaho.
Samtang gipasaligan usab ni Jarales si Young nga kon unsa man ang pagbiay-biay ug wala pagpasulod kaniya balik sa opisina sa miaging semana,dili niya sumbalikan kadtong mga empleyado naghimo niini.
Una nang gipalayas sa mga nag-rally ang grupo ni Jarales kay gusto nila ipabalik ang regular COWD management.
Sa pikas bahin,gikalipay sa grupo ni Citizens Watch for Good Governance o CWGG 10 convenor Atty. Antonio Soriano kon tinood ang taho nga nahupay na ang paksiyon tali sa regular ug interim mngt sulod sa COWD.
Kini tungod kay may panig nga nagpaubos na sa garbo ug gitahod ang gahom sa LWUA ug OGCC aron sulbaron ang daghang suliran sa city water district.
Gisampit usab ni Soriano ang mga pagtuki sa Bombo Radyo aron tinud-anay nga mogawas ang isyu sa maong buhatan.
Hisayrang kabahin ang grupo ni Soriano nga nahingawa sa kasamtangang kahimtang sa COWD.
