CAGAYAN DE ORO CITY – Gibasura na sa hingpit ni City Mayor Rolando ‘Klarex’ Uy ang hangyo sa Cagayan de Oro Water District o COWD nga mopatuma’g usbaw sa bayrunon sa tubig sa tulo unta ka sunod-sunod nga tuig.
Kini aron maoy gamiton sa COWD sa pagpalig-on pa sa ilang serbisyo ug pagpatuman sa mga nakaung-ong nga mga proyekto alang sa mga konsumante niini sa dakbayan.
Apan namahayag ang mayor nga dili pa kini ang ensaktong panahon aron pun-an sa COWD ang kalisod sa dakbayan nga kanhi naigo sa epekto sa COVID-19 pandemic.
Dumduman nga duha ka higayon nakigtagbo ang COWD officials sa mayor apan pulos balibad ang ilang nadawatan sa hangyo niini.
Sa miaging Disyembre 2023,mipresentar ang COWD officials sa ilang tinguha nga usbaw atubangan sa konseho apan gibalibaran gihapon.
Hisayrang una usab namahayag ang COWD nga ang ilang pagpakigkita sa mayor ug konseho ang pinaka-tawhanon nila nga lakang kabahin sa tinguha niini kay sa tinud-anay walay kontrol ang syudad apan Local Water Utilities Administration o LWUA.
