CAGAYAN DE ORO CITY – Napahinay pa’g maayo sa Armadong Kusog sa Pilipinas ang nabiling mga sakop sa New People’s Army o NPA nga padayong nagsabwag sa armadong pakigbisog batok sa kagamhanan sa nasud.
Kini ang pagsaysay ni Philippine Army spokesperson Col. Louie Dema-ala sa Bombo Radyo nga gikan sa 11 ka ‘weakened guerilla front’s sa CPP-NPA miubos pa kini sa siyam nga sagad makit-an sa mga rehiyon sa Visayas ug Mindanao.
Gibutyag ni Dema-ala nga ang padayong whole of the nation approach sa gobyerno ang dunay dakong tabang kung nganong dugang duha pa ang nabungkag sa gobierno ning tuiga.
Hinoon,wala una itug-an sa opisyal kon unsa kini nga guerilla fronts apan gipaniguro usab niini nga molugwa sila sa dugang detalye kon may pagtugot na gikan sa ilang kadagkuan.
Una nang gibutyag ni Dema-ala sa mga interbyu sa Bombo Radyo nga anaa sa 3rd Infantry Batallion,Philippine Army sa Visayas ug 4th ID ‘Diamond Troopers’ sa Caraga region makit-an ang maong mga puwersa sa komunistang grupo.
Dumduman nga una nang nalipay ang Armed Forces of the Philippines sa pahayag ni Pangulong Ferdinand Marcos Jr nga magpabilin ang mando ni former President Rodrigo Duterte na executive order no.70 o NTF-ELCAC kay klaro ang positibong mga resulta batok saNPA.
