CAGAYAN DE ORO CITY – Nakahan-ay na ang ubay-ubay’ng kalihukan nga tambungan ni PNP chief Gen Guillermo Eleazar dinhi sa syudad ug lalawigan sugod ning adlawa.
Kini alayon sa iyang labing una nga pagbisita sa iyang tropa sa rehiyon nga molungtad sa upat ka adlaw.
Gibutyag ni Police Regional Office 10 spokesperson Lt Col Michelle Olaivar nga unang mohapit si Eleazar sa 4th ID,Philippine Army aron himamaton sila si Maj Gen Romeo Brawner Jr.
Miingon si Olaivar nga gilayong bisitahon sa heneral ang malabyan nga police station aron sutaon ang kalimpyo niini.
Makigkita usab si Eleazar kang Cagayan de Oro Archbishop Jose Cabantan ingon man kanila ni City Mayor Oscar Moreno ug Provincial Gov Bambi Emano sulod ning adlawa.
Gawas usab niini,may naka-schedule kini nga kalihukan sa Giingoog City ug Villanueva ning lalawigan ingon man sa ubang bahin sa dinhi sa rehiyon.
