CAGAYAN DE ORO CITY – Giangkon sa kanhi NPA member Jorinelle Remadvia alyas Rambo nga nakahatag kanila’g dakong low morale ang kamatayon ni CPP founder Joma Sison.
Kini ang usa sa mga rason nga naluya ang ilang pakigbisog samtang gigukod sa militar sa bukirang bahin sa Misamis Oriental.
Miingon si alyas Rambo nga gumikan sa kawad-on na ilang tag-as nga lideres,nakahukom ang grupo nila ni alyas Hatam nga mobalik na lamang sa kagamhanan.
Samtang gipasalig ni kanhi NPA member Niño Sereno alyas Hatam nga dili na sila mobalik pa pagkuyog sa armadong pakigbisog batok sa gobierno.
Kini ang mensahe ni alyas Hatam sa pag-atubang sa media dihang sila gi-presentar sa militar kagahapong adlawa.
Miingon si Hatam nga gusto na niini ikakuyog ang iyang pamilya nga nabulag sa taas nga higayon.Kini ang rason nga namalik na sila sa sabakan sa gobierno.
