ALERTO ang tibook han-ay sa Philippine National Police (PNP) alang sa nagkaduol nga selebrasyon sa kaugmaran sa Communist Party of the Philippines (CPP) sa Disyembre 26. Gipasalig ni PNP Public Information Officer Police Brigadier General Randulf Tuaño nga magpadayon sila sa ilang regular nga mga aktibad bisan mipatuman sa “unilateral ceasefire” sulod sa upat ka adlaw ang New Peoples Army, kinsa armed wing sa CPP sa kabukiran. Miingon si Tuaño nga dili ihatag sa kapulisan anmg bisan gamay nga tsansa sa pagkompiyansa, kay ilado naman ang maong pundok sa ilang kapin 50 ka tuig nga kasaysayan sa pagtraydor sa gobyerno. Una niini, subay sa gipagawas nga impormasyon sa CPP, ang unilateral ceasefire ipatuman sa Disyembre 25-26 ug Disyembre 31 hangtud Enero 1, 2026.
