CAGAYAN DE ORO CITY – Gusto ni CPP founder Jose Maria Sison nga wad-on una ni Pres Rodrigo Duterte ang iyang mando nga mga terorista ang mga komunista ug ang rebeldeng New People’s Army o NPA ayha mobalik sa peace negotiating table sa tuig 2020.
Kini kon gusto ni Duterte nga mahatag ang iyang kagustuhan nga subli ablihan ang lamesa sa sinultihay sa kahusay ug kalinaw sa duha ka pundok.
Miingon si Sison nga gusto usab niini ibungkag ang executive order no. 70 ni Duterte diin nagtahas sa tanang ahensiya sa gobierno nga itunol ang serbisyo sa katawhan sa kabukiran.
Dugang sa communist leader nga kon dili kini mahatag sa gobierno,maglisod sila pagsanong sa peacetalks nga sugdan sa Enero o Pebrero 2020.
Samtang gibarugan ni National Security Adviser Hermogenes Esperon Jr nga mga terorista ang CPP-NFA-NDF ug tinuban sa kagubot sa nasud.
Kini human gi-demanda ni CPP founder Jose Maria Sison ang mga walay basehan ug katagbawan lamang sa kaugalingon nga mga isyu.
Namugos si Esperon nga dili na maihap ang gihimong kremin sa CPP-NPA sukad natukod ang grupo ug nagtakuban nga kaabag sa katawhan sa nasud.
