CAGAYAN DE ORO CITY – Gisalikway sa laing higayon sa halos 80 ka indigenous peoples o IPs leaders sa tribung Higaonon ang naglihok nga mga sakop sa Communist Party of the Philippines- New People’s Army sa Sitio Lantad,Brgy Kibanban,Balingasag, Misamis Oriental.
Kini human subli mipirma sa kasabutan ang mga lumad sa kasabutan aron e-deklara nga PERSON NON GRATA ang armadong pundok nga dugay’ng nag-control sa katawhan sa maong bahin sa lalawigan.
Namahayag si Army 2nd Lt MaryKnoll Rea Cuis,tigpamaba sa 58th IB,Philippine Army nga pagmatood kini nga wala na motoo ang tribung Higaonon sa mga balik-balik nga pagpangilad sa armadong grupo aron lumpagon ang gobierno.
Gani,napasayon ang pagpalig-on sa baruganan sa maong tribu batok CPP-NPA kay lig-on ang gihatag nga suporta sa kagamhanang probinsyal ubos ni Gov. Peter Unabia.
Nagsumikad ang maong mga lideres sa lumad sa Brgy Bantaawan sa Gingoog City, Sitio Lantad, Barangay Kibanban, Barangay Bolahan ug Samay nga pulos sakop sa Balingasag ning lalawigan.
Hisayrang ang Sitio Lantad naila kaniadto nga lokasyon sa CPP-NPA shadow govt kay dugay’ng panahon nga napasagdan sa nasudnong kagamhanan.
