CAGAYAN DE ORO CITY-Gideklara sa Communist Party of the Philippines (CPP) ang walo ka adlaw’ng unilateral ceasefire karong panahon sa kapaskuhan.
Gihimo sa CPP ang anunsyo pinaagi sa ilang website diin gibutyag ni Jorge Madlos aka Ka Oris nga epektibo ang unilateral declaration sa ceasefire sugod alas-6:00 sa gabie sa Decembre 23 hangtud alas-6:00pm sa Decembre 26; alas-6:00 pm sa Decembre 30 hangtud alas-6:00 pm sa January 2. 2018.
Ang maong lakang nga gihimo sa mga armadong grupo ang naka base sa mandato sa CPP Central Committe diin saulugon sa mga Pinoy ang Pasko og ang ika-49 usab ka tuig sa anibersaryo sa partibo karong Disyembre 26.
Sumala ni Ka Oris, kinahanglang ang tanang unit sa NPA og militar mohunong sa pagbuhat sa operasyon nga naglangkob sa kagamitan sa kagamhanan og paramilitar niini.
Apan gipamugos sa tanang gerilyang komunista og mga kaalyado nga magpabilin sila sa ilang ‘active defense mode’ aron panalipdan ang mga tawo, ingon man ang rebolusnaryong pwersa.
Una nang gideklara ni Presidente Rodrigo Duterte ang suspension of offensive military operations (SOMO) batok sa mga New People’s Army (NPA).
Gipatuman sa gobierno ang tigil-putukan aron dili mabalaka ang publiko karong Christmas season.
