CAGAYAN DE ORO CITY-Gikalipay karon sa mga pundok nga naghingusog sa sinultihay sa kahusay’ng kalinaw ang laraw sa CPP-NPA-NDF nga mosulod na sa bilateral ceasefire tali sa gobierno sa nasud.
Kini human ang magpila ka adlaw nga subli pag-aktibo sa mga atake sa komunistang grupo sa tropa sa gobierno sa pipila ka bahin sa nasud.
Gibutyag ni IFI Bishop Felixberto Calang nga sulod sa maong kasabutan,mas mapalig-on ang pagtahod sa duha ka pundok ug dali masilotan kon kinsa ang mosupak samtang ipadayon ang peacetalks.
Una nang gitanyag ni Pres Rodrigo Duterte nga subli niya ablihan ang pakig- estorya sa CPP-NPA-NDF kon i-undang usab nila ang pagpangatake,pagpangdagit sa mga sundalo ug kapolisan sa nasud.
