CAGAYAN DE ORO CITY – Gideklara nga persona non-grata sa upat ka barangay sa Bukidnon ang teroristang CPP-NPA-NDF.
Kini gilangkuban sa Barangay Linabo, Brgy Lipa, Brgy Lumintao ug Brgy Sta. Felomina sa lungsod sa Quezon sa maong probinsiya.
Matud ni 88IB PA civic military officer Capt. Norven Jay Garcia nga mismo ang mga kapitan sa maong barangay kauban ang 333 ka mga miembro sa Hingpit na Organisadong Masa nga giilang supporter sa walhong grupo ang nagdeklara sa NPA nga persona non-grata.
Gipaabot sa mga residente ang ilang kayugot sa mga illegal nga binuhatan sa mga rebelde sama sa pagpangilkil, pagpatay ug uban pa.
Gani, gibawi sa mga residente ang ilang suporta sa CPP-NPA ug milagda sa wall of commitment sa gobyerno.
Una niini,mismo si Duterte ug AFP ang nagtawag sa CPP-NPA-NDF nga sila daw mga terorista gumikan sa mga brutal nga pagpamatay sa mga madakpan nga mga sundalo sama sa natigayon sa Bukidnon sa nanglabay’ng katuigan.
