CAGAYAN DE ORO CITY – Itugyan sa militar ug kapolisan sa korte ang taas nga opisyal sa CPP-NPA nga dunay daghang kasong kriminal nga unang nadakpan sa Purok 6, Brgy Agay-ayan, Gingoog City, Misamis Oriental.
Kini human nadakpan pinaagi sa warrant of arrest si CPP-NPA ordinance staff officer Venancio Yagutyot alyas Bem-Bem,38 anyos nga dunay daghang kaso nga giatubang sa korte sa Caraga region.
Miingon si 23rd IB civil military operations head 1Lt Roel Maglanglang nga si Yagutyot ang nalambigit sa kasong pagpatay,kidnapping ug ubang criminal activities dihang kini commanding officer pa sa Sangay sa Yunit Pang-propaganda o SYP Kingdom ubos sa Guerrilla Front4A sa North Central Mindanao Regional Committee.
Boluntaryo usab mitahan sa AFP ug PNP si Arnolfo Idpalina Cubos alyas COBS, 22 anyos kinsa SYP squad leader Squad 2 sa kalihukan.
