CAGAYAN DE ORO CITY-Gipanganti sa 4th ID, Philippine Army nga malupig na nila sa hingpit ang milangkob sa CPP-NPA nga naglihok sa mga rehiyon sa Caraga ug Northern Mindanao.
Kini human gibutyag ni 4th ID commander Maj Gen Ronald Villanueva nga anaa na lamang sa 800 ngadto libo ka NPA fighters nga naglihok sa ilang area ning tuiga.
Miingon si Villanueva nga dili lamang sa mga armas ingon man bala ang ilang gamiton sa pagtubag sa bahad sa insurhensiya apan gamit usab ang mga programa sa gobierno.
Samtang gipasalig ni Villanueva nga masikop ra nila’g balik kauban ang PNP kadtong giingong peace consultants sa CPP-NPA-NDF.
Kini human unang gibuhian ang maong peace consultants aron unta maka-partisipar sa sinultihay sa kahusay’g kalinaw gawas sa nasud sa tuig 2016.
Gikompirmar ni Villanueva nga pipila sa maong mga peace consultant nga gikan sa Caraga ug Northern Mindanao regions ang subli mibalik sa armadong kalihukan sukwahi sa gipangsaad niini nga mokooperar sa gobierno.
