CAGAYAN DE ORO CITY – Napiangan ang rebeldeng New People’s Army o NPA nga utok sa pagsabwag kagubot sa mga sibilyan nga nahimutang sa mga su-ok nga bahin sa Quezon,Bukidnon.
Kini human napatay sa militar sa engkuwentro ang NPA commander nga si Joven Manggatawan alyas Amana sa Sitio Bangkalawan, Brgy Lumintao kagahapong adlawa.
Miingon si 403rd Civil Military Officer Capt Ryan Layug nga kawad-on sa NPA ni Manggatawan nga nagsilbing lider sa mga armado sulod sa taas nga panahon.
Narekober sa encounter site ang M16 rifle; 2 ka anti-personnel mines nga gi-ban,rifle grenade;mga bala sa M16 rifle; ug AK47 rifle ubang kagamitan,pagkaon ug subersibong dokumento.
Samtang gikompirma ni 403rd Brigade Philippine Army Commander Brig Gen Edgardo de Leon nga namatay na ang rebelde nga nadala sa ospital dihang naigo sa bala sa engkwentro sa Sitio Bangkalawan Brgy Lumintao Quezon, Bukidnon.
Naila ang maong rebelde sa pangalang Jerry.
Miingon si De Leon nga namatay ang rebelde human wala na akaagwanta sa naangkon niining samad.
Una na usab nga namatay sa engkwentro si Joven Manggatawan alyas Amana, lider sa Sentro de Grabidad platoon sa CPP-NPA’s Company Thunder, Subregional Command 2 NCMRC.
