CAGAYAN DE ORO CITY – Lumpag na alang sa Armed Forces of the Philippines ang gihuptan nga horizontal unit o ilado nga ‘cadre’ sa Communist Party of the Philippines New People’s Army o CPP-NPA nga sobra 50 anyos nang nakig-away sa kagamhanan sa nasud.
Kalabot pa gihapon kini sa gisulti sa Philippine National Police Directorate for Operations nga nakadani sila’g halos 170 ka mga tinun-an gikan sa
pipila ka government universities ug state colleges ang CPP-NPA sugod 2014 hangtod ning tuiga.
Gibutyag ni 4th Infantry Division ‘Diamond Troopers’ commander Major General Jose Maria Cuerpo II nga nag-ubos ang ihap sa mga rebelde kay wala na magbaton sa effective recruitters ang mga kaaway aron unta mapun-an ang ilang vertical units o rebel combatants.
Gisulti sa heneral nga tungod sa pagkahugno sa cadre o political military structure sa CPP-NPA, naglisod na sila’g kumbensir sa mga estudyante sulod sa mga tunghaan.
Dumduman nga gimando ni Pangulong Ferdinand Marcos Jr nga kon madala sulod ning tuiga,angayang mapuhag na sa hingpit ang grupo.
